CEBU, Philippines – Ang landfill diha sa Barangay Inayawan, Dakbayan sa Sugbo giingong titulado kini ubos sa usa ka pribadong indibidwal sukad niadtong tuig 1972.
Niining ulahi lang, ang kagamhanan sa siyudad pinaagi sa assessor’s office nakadiskubre nga ang 15.2 hectare Inayawan landfill kabahin sa 28-hectare titled property ubos sa ngalan ni Renato Senining kinsa residente sa siyudad.
Si executive assistant to the Mayor Francisco Fernandez miingon nadiskubrehan nila kini dihang ilahang nakita nga ang property ibalhin sa Golden Hectarage Corp. nga dunay certificate title no. 107-2018000529 human kini mapalit kang Senining.
Matod ni Fernandez nga nahibaw-an nila nga ang Golden Hectarage ang nipalit sa property sa niaging tuig.
Sa original certificate title ang maong property gipanag-iya ni Senining nga dunay sale patent number 3098 nga natitulohan niadtong Nobiyembre 10, 1972.
Gumikan niini, si Mayor Tomas Osmeña ni-file og adverse claim sa Cebu City Registry of Deeds alang sa reversion sa titulo niadtong Enero 25.
Sa iyahang affidavit nakalatid nga ang city government nigamit sa property sukad sa “time immemorial”.
Kini nidugang nga niadtong 1982, ang city government nagsugod og possess sa property alang sa construction sa landfill facility ug dunay abag sa Japan International Cooperation Agency (JICA).
Gisukip ni Osmeña ang tax declaration sa city government nga dunay number GRC6-12-078—05229-CE.
Dugang ni Osmeña nga ang desisyon sa higher court nag-direct sa city government pag-rehabilitate sa facility human kini gisirad-an niadtong Disyembre 15, 2016. Matud ni Osmeña nga ang buyer dili maka-transfer sa property tungod kay ang city government mohimo og representations sa Office of the Solicitor General aron pag-revert sa title. (Decemay P. Padilla/BDB)d kay ang city government mohimo og representations sa Office of the Solicitor General aron pag-revert sa title. (/BDB)(BANAT NEWS)