CEBU, Philippines — Giplanohan sa hepe sa kapolisan sa Siyudad sa Talisay nga butangan og police sub-station ang Mananga sa Barangay Tabunok.
Kini aron paspas ang pagresponde sa kapolisan ug dili na kaporma ang dautang elemento nga anaa nag-estar sa lugar.
Si PSupt. Marlu Conag, hepe sa Talisay Police miingon nga sa pagkakaron dili pa sila makabutang og substation kay ila paman kining girekomendar nga mahimong butangan ang maong lugar ug butangan sab og sakop sa RMFB sama sa Brgy. Tanke.
Matud pa ni Conag nga daku og epekto sa Brgy. Tanke ang pag-estar sa RMFB sa ilang lugar diin ang mga ilegalista dali rang madakpan.
Asoy pa niya nga iya kining ipananghid sa mga opisyales sa Talisay aron mahatagan sab og pundo alang sa katukoran sa planong police substation.
“Kailangan na concrete yung substation natin para hindi mameligro ang mga tao natin,” sigon pa ni Conag.
Sa nasayran, nabutangan na og police outpost ang maong lugar human nga adunay polis nga gipatay sa snatcher pipila n aka tuig apan nawagtang ra sab kini. (BANAT NEWS)