Iligal nga ‘swertres’ sa Mandaue sumpuon

CEBU, Philippines — Gihingusgan sa buhatan sa Philippine Charity  Sweepstake  Office (PCSO) ang pagsumpo sa mikuyanap nga illegal nga swertes sa kabarangayan sa Dakbayan sa Mandaue.

Gipangulohan ni  Major Manuel Fraginal Sr. nga maoy  executive assistant VI chief nationwide ug inter-branch security monitoring  sa PCSO, nakigtambayayong sa kapolisan sa Mandaue City Police Office (MCPO) aron mohimo og lakang batok sa maong illegal numbers game.

Si  Major Fraginal miingon nga naaghat sila sa paghingusog sa kampanya batok sa illegal nga suwertres sa maong dakbayan tungod usab sa daghang reklamo sa nagpadagan og legal nga swertres .

Gitataw ni Major Fraginal nga ilang gibase sa mga reklamo  gikan sa mga awtorisado sa PCSO nga swertres operator sa maong dakbayan tungod kay sila man ang bugtong  nahibawo sa gipahimutang nilang mga outlet sa PCSO.

Sa laing bahin, pito ka mga sugarol ang nabalhog didto sa syudad sa Talisay human masakpi nga nagduwa og mahjong ug video karera - Gabriel Bonjoc/LPM (BANATNEWS)