International port sa Minglanilla hapit na mahuman
CEBU, Philippines — Naa na sa 80 porsiyento nga nahuman ang gihimong international port sa Lungsod sa Minglanilla.
Gitug-an ni municipal administrator Concordio Mejias nga ang maong proyekto ubos sa Public-Private Partnership sud sa 25 ngadto sa 30 ka tuig.
Iyang gilauman nga daghang kalambuan ang mahitabo sa ilang lugar sa panahon nga mag-operate na ang maong pantalan nga adunay 25 ka ektarya nga gidak-on.
Dugang niini nga iyang nadunggan nga posible nga modunggo sa naasoy nga pantalan ang mga cruise ship nga magdala og mga turista.
Kon trapiko ang hisgutan diin daghang nagbagulbol nga mga motorista, matud ni Mejias nga bisan asa nga lugar trapik gyud. Hinuon siya nagkanayon nga aduna silay giplano pagtubag sa maong problema.
Iyang giangkon nga nahimong bottleneck sa mga sakyanan ang Minglanilla sa mga sakyanan nga mopaingon sa habagatan ingon man sa amihanan. (BANAT NEWS)
- Latest
