Osmeña Blvd. padung downtown sirad-an ugma
CEBU, Philippines – Giawhag sa Cebu City Transportation Office ang tanang motorista ug mga pasahero nga mosayo og lakaw ugma tungod kay sirad-an ang usa ka lane sa downtown-bound sa Osmeña Boulevard.
Sigun ni Francisco Ouano, pangulo sa CCTO, nga manirado sila sugod alas 2 sa hapon tungod kay magsugod ang prosesyon sa alas 3 sa hapon.
“Palayo lang sa route ug dili pataka og park kay mo-clamp gyud ta. Pahimangno nato nila nga mosabot lang sila sa sitwasyon kay halad na sa Ginoo nga prosesyon. Sayo lang sila og lakaw para dili maabtan sa closure,” matud niya.
Karong Domingo saulogon sa tanang Katoliko ang Feast of Christ The King.
Tungod sa prosesyon gikan sa Fuente Osmeña Circle, sirad-an ang usa sa duha ka lanes sa Osmeña Boulevard nga padulong sa downtown area ug matapos ang prosesyon sa Cebu Metropolitan Cathedral.
Sigun ni Ouano nga dunay mga ipang-reroute nga mga sakyanan lakip na ang ruta sa Banawa, Guadalupe, Lahug, Apas, Busay, Labangon, Mabolo, ug uban pa.
Matud ni Ouano nga dunay mga traffic signs ang ipangbutang aron magiyahan ang mga drayber kun asa sila ipang-reroute. (/GMR)(BANAT NEWS)
- Latest
