CEBU, Philippines — Grabeng naangol ang usa ka batan-ong lalaki human gipusil sa wala hiilhing tawo nga kalit lang nisaka sa ilang panimalay sa Sitio Pool Dumpsite, Bankal, Dakbayan sa Lapu-Lapu alas 11 sa buntag niadtong Domingo.
Si Police Senior Inspector Alden Zambrano sa Presinto 5 sa Lapu-Lapu City Police Office (LLCPO) niila sa biktima nga si Alvin Rivera, 18, residente sa maong lugar.
Matud ni Zambrano nga diha sa sulod sa panimalay ni Isagani Taneo ang biktima kauban sa iyang mga barkada nga nagkalangas sa ilang estorya ug katawa.
Ang wala hiilhing lalaki kalit lang nitumaw sa pultahan sa panimalay ni Taneo kinsa walay daghang estorya kalit lang namusil ngadto sa biktima dayon dali nga nisibat sakay sa motorsiklo. Ang biktima nga nagkadugo ang lawas sa samad pinusilan ang dali nga gidala sa Vicente Sotto Memorial Medical Center. (BANAT NEWS)