PRO-7 gipasidunggan sa Crame
CEBU, Philippines – Bisan sa mga nadawat nga pagsaway sa kapolisan sa Rehiyon 7, nakuha gihapon ang labing taas nga datos sa pagsulbad sa krimen sa tibuok nasud.
Sigun pa ni Chief Superintendent Debold Sinas, direktor sa Police Regional Office 7, nga nakadawat sila og award gikan sa Philippine National Police headquarters sa Camp Crame sa buwan sa Septiyembre.
Kini may kalabutan sa 78.78 porsiyento nga kasulbaran sa krimen o 28,828 ka krimen nga nahitabo sa rehiyon gikan Enero hangtud Septiyembre niining tuiga.
“We are happy that both our effort, that our system has been recognized, if naa crimes ma-solve, i-solve gyud para mogamay ang mga unsolved crimes, and this proves PRO-7 is doing its best compared to other regions,” si Sinas niingon.
Si Cebu City Mayor Tomas Osmeña nipasangil nga sukad nilingkod si Sinas ug Cebu City Police Office Director Royina Garma nidaghan ang patay sa Sugbo. Nilingkod sa pwesto si Sinas niadtong Hulyo.
Apan sukwahi sa pasangil ni Osmeña, ang records sa PRO-7 nagbutyag nga sulod sa Hunyo hangtud Septiyembre 2017 adunay 3,883 ka total crime volume nga mas taas kay sa samang mga buwan karong tuiga nga aduna lay 3,081.
Ang chairman sa Cebu Provincial Advisory Council, Nelson Yuvalos, niingon nga walay igong sukaranan nga mahimong rason ang patay sa paglikay sa mga investors sa Sugbo.
“We want to tell the people, nga we don’t have to worry, in reality what is happening is that businesses are really thriving, the public should know that accusations hurled to policemen creating lawlessness is not true,” sigun pa ni Yuvalos. (/GMR)(BANAT NEWS)
- Latest
