CEBU, Philippines — Magpabilin sa tagsa-tagsa nila ka posisyon ang magtiayong Daan sa ilang pagpasubli sa eleksiyon sunod tuig. Kini sumala pa ni kanhi bokal, Konsehal Julian “Teban” Daan sa Dakbayan sa Talisay ug kapikas niini nga si Bokal Yolanda “Yolly” Daan.
Matud ni Teban nga wala na siyay tinguha sa mas taas nga posisyon tungod sa pangedaron nga bation na usab og kakapoy samtang si Yolly magpasubli isip sakop sa Hunta Probinsiyal sa unang distrito.
Ang magtiayong Daan magpasilong gihapon sa landong Alayon Party nga gipangulohan ni Kongresista Gerald Anthony “Samsam” Gullas. – GMR (BANAT NEWS)