Cedula makuha na sa online

Apan kadtong dili maka-online pwede gihapon kining mobisita diha sa CTO diin duna silay gibutang nga kiosk aron pag-assist sa mga dili hanas nga paggamit og computer.
AP Photo/Marcio Jose Sanchez, File

CEBU, Philippines — Gipahibawo sa hepe sa City Treasurer’s Office (CTO) Veronica Morelos ang mga magbubuhis nga pwede silang makakuha og Community Tax Certificate o cedula diha sa online diin pwede kining mogamit sa ilang cellphone kong aduna kini koneksiyon sa internet.

Apan kadtong dili maka-online pwede gihapon kining mobisita diha sa CTO diin duna silay gibutang nga kiosk aron pag-assist sa mga dili hanas nga paggamit og computer.

Nasayran nga nagsugod ang online nga pagkuha og cedula niadtong buwan sa Marso pa ug giingong daghan na ang ni-apply online.

Gihulagway ni Morelos nga karong aduna nay online application sa cedula paspas na ang pagkuha niini sanglit kadtong magkuha igo na lang moadto sa city hall aron sa pagbayad.

Sa mga gustong mokuha og cedula online mobisita lang sa website sa city government nga mao ang “cebucity.gov.ph” ug makita dayon ang cedula application ug i-click lang kini. (BANAT NEWS)

Show comments