CEBU, Philippines – Gisuwayan paglugos ang 18-anyos nga special child nga babaye sa usa ka menor de edad sa ilang panimaye sa Tangke, Dakbayan sa Talisay niadtong Lunes sa hapon. Si Nonilito Abay, hepe sa tanod sa maong barangay, niingon nga ang inahan sa special child ang nangayo og pakitabang kanila human iyang nasakpan nga naghubo na sa iyang purol ang suspek samtang nagtungko sa daplin sa iyang anak.
Dali nga nakadagan ang menor de edad apan nasikop kini sa mga barangay tanod.
Matud sa suspek nga kawat ang iyang tumong sa pagsaka sa panimaye sa babaye apan natintal siya kay walay laing tawo.
Gi-turnover ang suspek ngadto sa kapolisan dayon sa City Social Welfare and Development (CSWD) samtang gipaubos sa eksaminasyon ang biktima kun kini nahilabtan ba gyud.
Gisuwayan sa pagpangutana sa Banat News ang biktima apan wala kini nitingug ug nagsige hinoon og tisngi. (/GMR)(BANAT NEWS)