CEBU, Philippines – Human naputol ang iyang serbisyo isip konsehal sa Dakbayan sa Sugbo tungod sa pag-served niini sa suspension gikan sa Office of the President niadtong tuig 2016 subling magpapili sa sunod tuig nga eleksiyon si Konsehal Sisinio Andales.
Si Andales kinsa usa ka abogado nipadayag nga pwede pa siya makadagan sa samang posisyon sa May 2019 elections. Si Andales nalakip sa mga opisyal sa Dakbayan sa Sugbo nga nasuspenso tungod sa kasong grave abuse of authority kalabotan sa pag-release sa siyudad og P20mil nga calamity aid sa matag empleyado sa city hall. Niadtong Mayo 17, 2016 ang opisyales sa Department of Interior and Local Government (DILG)-7 ni-served sa suspension order batok sa 14 ka Cebu City officials diin lakip si outgoing mayor niadtong higayona Michael Rama, Vice Mayor Edgardo Labella ug 12 ka konsehal.
Niadtong Abril 17, 2016 ang OP niluwat og desisyon batok nila ni Rama, Labella, kanhi konsehal Nestor Archival, Sr., Nendell Hanz Abella, Roberto Cabarrubias, Ma. Nida Cabrera, Gerardo Carillo, Alvin Dizon, Noel Wenceslao, Mary Ann delos Santos, David Tumulak, Andales, Alvin Arcilla, ug Eugenio Gabuya, Jr. nga guilty sa grave abuse of authority.
Dihang ang suspension order naimplementar ang mga nahibiling konsehal niadtong higayona mao sila si Konsehal Margarita Osmeña nga nagsilbing acting mayor, kanhi Konsehal Lea Japson isip vice mayor, kanhi konsehal Richard Osmeña, James Anthony Cuenco ug kanhi ex-officio member Phillip Zafra. Matud ni Andales nga ang maong silot batok kanila dili preventive suspension usa ka desisyon nga dunay finality nga interruption sa term nga nakalatid sa Local Government Code. (/BDB)(BANAT NEWS)