CEBU, Philippines – Giklaro sa militar ug kapolisan dinhi sa Central Visayas nga wala silay nabantayang adunay nagplanong molusad og destabilisasyon batok ni Presidente Rodrigo Duterte.
Matud pa ni Col. Medel Aguilar, tigpamaba sa AFP Central Command pabiling mosunod sa ‘chain of command’ ang kasundalohan dinhi ug miklaro nga taas kaayo ang ilang moral tungod sa mga kaayohang nahatag kanila sa pangulo.
Samtang ang tigpamaba sa Police Regional Office-7 Reyman Tolentin, nitug-an nga walay rason aron magapil-apil ang kapolisan sa destabilisasyon kay silang mga polis nabulahan sa presidente. Gipasalig niya nga hugot ang suporta sa kapolisan sa rehiyon sa pangulo.
Sama sa Central Command, nagpabiling naa sa red-alert status ang kapolisan dili tungod sa destabilisasyon kondili tungod sa hulga sa terorismo. (Gabriel Bonjoc/IBM) (BANAT NEWS)