Inayawan landfill dili na palabayan og basura
CEBU, Philippines — Ang Inayawan sanitary landfill ang dili na gyud palabayan og basura human ang Korte Suprema nipagawas og entry of judgement sa unang desisyon sa Court of Appeal (CA).
Ni-affirmed ang Supreme Court en Banc sa resolution sa Court of Appeal sa Cebu niadtong tuig 2016 nga nag-grant og Writ of Kalikasan nga nagmando kang Mayor Tomas Osmeña nga ipahunong ang paglabay og basura sa maong landfill.
Sa entry of judgement nga gipadala ngadto kang Konsehal Joel Garganera ang SC en banc ni-certified sa March 20, 2018 decision sa CA diin nahimo kining final ug executory niadtong Mayo 29, 2018.
Ang desisyon sa General Register No. 231164 recorded na kini sa book of entry of judgment sa SC.
Niadtong Septiyembre 23, 2016, si Garganera misang-at og petisyon batok kang Osmeña, Engr. William Cuñado, pangulo sa Environmental Management Bureau (EMB)-7 ug uban pa ngadto sa CA.
Si Atty. Joel Seno, legal counsel ni Garganera nagkanayon nga ang entry of judgment formal recording kini sa desisyon sa kaso nga ilang gisang-at nga gikonsiderar na nga “immutable”.
Gawas sa pagpahunong na og paglabay og basura diha sa landfill ang siyudad gimandoan usab sa korte nga ipadayon ang pag-rehabilitate niini.
Gimandoan usab ang DENR nga mosumitir ngadto sa Court of Appeal og monthly report. (/BDB)(BANATNEWS)
- Latest
