BJMP personnel sa TCJ walay kompiyansa

CEBU, Philippines – Walay kompiyansa ug nag-amping ang kadagkuan sa Bureau of Jail Management and Penology (BJMP) sa Talisay City Jail gumikan sa sunod-sunod nga patay nga mga nahitabo.

Si Chief Inspector Mary Jane Inopia, pangulo sa TCJ nagkanayon nga dili na kaayo sila magpakita diha sa camera ug dili na usab kaayo sila molakaw sa bisan asa nga  lugar.

Gipasabot ni Inopia nga dili malikayan nga tungod sa ilang trabaho posibleng dunay masuko kanila.

“Ang threat naa na man gyud na sa among profession pero among buhaton mao lang gyud ang extra careful sa among kaugalingon”, matud ni Inopia.

Ang TCJ pila na kahigayon kini nga girakrakan ug gani adunay mga napusilan sa jail guard ug nasikop nga responsable sa pagpangrakrak.

Gawas sa maong insidente, sa niaging buwan tulo ka priso sa TCJ kinsa padulong motambong sa ilang hearing ang gibanhigan patay.

Ug ang kanhi usab deputy sa TCJ ang gisuwayan sa pagbanhig apan naluwas kini ug karon naa na sa rehiyonal nila nga buhatan. (/BDB)(BANAT NEWS)