DILG naghuwat og kamanduan sa suspension ni Sonny

CEBU, Philippines — Ang provincial director sa Department of Interior and Local Government (DILG) Jerome Gonzales dili mopatuman sa nahibiling upat ka buwan nga suspension ni Toledo City Mayor John Henry “Sonny” Osmeña hangtud nga walay kamanduan gikan sa ilang labaw.

Kini bisan pa nga ang DILG central office nagkanayon nga ipadayon ang nahabiling upat ka buwan nga suspension ni Osmeña.

Ang ulohang buhatan sa DILG nipagawas og opinion nga nagpabor sa decision sa Office of the Ombudsman nga ipadayon ang nahabiling upat ka buwan nga suspension ni Osmeña sanglit pending pa gihapon ang  motion for reconsideration sa Ombudsman ngadto sa Court of Appeals (CA) nga nagbali sa desisyon sa Ombudsman batok ni Osmeña.

Nipagawas og opinion ang DILG human nga si acting Mayor Antonio Yapha nangayo og legal opinion sa paglingkod og balik ni Osmeña sa posisyon human kini naabswelto sa CA sa kasong grave abuse of authority.

Sa milabay’ng tuig si Osmeña gisuspenso kini sa Ombudmsan sulod usa ka tuig.

Si Atty. Inocencio dela Cerna, abogado ni Osmeña nagkanayon nga unta didto nangayo og opinion ang DILG sa CA dili sa Ombudsman sanglit anaa naman ang kaso sa CA.  Subay niini nagplano sila nga mopasaka og kasong falsification batok sa Ombudsman. (BANAT NEWS)