CEBU, Philippines – Tungod niining mga sagunsong mga pagpatay sa Sugbo, si Cebu Archbishop Jose Palma mopagawas og Oratio Imperata pipila ka adlaw gikan karon aron mahunong na kini.
Matud pa ni Palma nakita niya ang kabalaka nga gibati sa katawhan karon ug nagtuo siyang pag-ampo maoy makapahupay kanila. Ang Oratio Imperata usa ka espesyal nga pag-ampo nga pagpangayo og tabang ngadto sa Ginoo sama sa mga katalagman, grabeng kadaotan ug uban pa.
Aduna nay gitahasan nga mohimo sa maong pag-ampo nga litukon ini og kahuman sa Santos nga Misa sa tanang parokya.
Ang pangulo sa Commission on the Laity, Fe Barino, nitug-an nga dako kaayo og tabang ang Oratio Imperata kay kini litukon sa tanan. (/IBM)(BANAT NEWS)