CEBU, Philippines – Patay ang usa ka tindero og taho human siya gisaka ug gidunggab sa makadaghang higayon sa wala mailhing mamumuno sa giabangang lawak sa Sitio Crusher, Lawaan 3, Dakbayan sa Talisay niadtong Martes sa alas 11 sa gabii.
Ang biktima nailhan nga si Harry Morales Carpentero, 31, lumad nga taga Cabangcalan, Talamban, Siyudad sa Sugbo.
Si PO2 James Cabrillos sa Talisay City Police Station nagkanayon nga nag-inusara lang ang biktima sa lawak.
Duha ka tuig na ang biktima nga nagpuyo sa maong dapit nga nag-inusara samtang ang asawa niini nanarbaho sab sa Siyudad sa Sugbo. (/GMR)(BANAT NEWS)