Mga marijuana gilarot
CEBU, Philippines – Mokabat sa kapin tunga sa milyon nga kantidad sa marijuana ang gipanglarot sa Asturias Police Station sa Barangay Kaluangan sa lungsod sa Asturias kagahapon sa buntag.
Sumala pa nga adunay nisumbong sa kapolisan bahin sa plantasyon sa marijuana sa bukirang bahin sa maong barangay.
Ang lokal nga kapolisan pinangulohan ni Senior Inspector Jade Sumugat, ug 1st PMFC ug 47th IB sa Philippine Army gipangulohan ni 1Lt. Jayrod Cabahug ug PIB/PDEU personnel nga gipangulohan ni Chief Inspector Christopher Natnat milusad og joint operation paglarot sa maong mga marijuana. Matud pa nga may koordinasyon sa PDEA-7 ang ilang operasyon.
Kapin tres mil ka punoan sa maong gidili nga tanom nga gibanabanang mokabat sa P600 mil ang ilang nalarot.Wala pa mailhi kung kinsa ang nagtanom niini. (/IBM)(BANAT NEWS)
- Latest
