CEBU, Philippines — Naangkon sa Aboitiz Construction, Inc. (ACI) ang worldwide safety excellence award gikan sa usa ka global engineering company nga JGC Corporation (Japan) sa pagkab-ot sa kapin sa 1.5 million safe man hours nga walay dautang insidente.
The awarding ceremony gipahigayon sa Radisson Blu sa Dakbayan sa Sugbo niadtong Biyernes sa gabii nga gitambungan mismo ni JGC Project Director Tadashi Nagai.
Sa wala pa ang awarding ceremony, si Nagai ug ACI President and Chief Operating Officer Alberto Ignacio Jr., nagpirmahay og kontrata alang sa 210 Megawatts Coal-Fired Power Station Phase 2 Project-SEC Package 3 (Steel Structure, Mechanical and Piping Works).
Gibasehan sa award ang nagpadayung giugmad sa Sarangani, General Santos City nga 105 MW coal-fired power plant diin ang JGC ang nihimo sa Engineering, Procurement, and Construction (EPC) services ug ang ACI usa sa ilang major subcontractor.
Ang proyekto gisugdan niadtong Agosto 2017 ug mahuman karong Septiyembre 2018.
Gipasalamatan ni Ignacio ang project management team nga gipangulohan ni Project Manager Rommel Yu ug Quality, Safety Health and Environment head Ambrosio Ompad sa naangkon nga pasidungog.
Ang ACI adunay 1,300 ka tawo apil na ang subcontractors. Kini lang ang bugtong contractor sa Pilipinas nga nakadawat samaong award gikan sa JGC kinsa adunay mga proyekto sa ubang dapit sama sa Bahrain, Saudi Arabia, Australia ug Indonesia.
ACI rehistrado nga triple A General Contractor sa Philippine Contractors Accreditation Board ug sobra sa 40 ka tuig na sa construction, fabrication, ug engineering ug project management services ug nakahatag kini og trabaho sa kapin 5,000 ka trabahante. (BANAT NEWS)