Mga estudyante dili hatagan og assignment sa weekend
CEBU, Philippines – Ang Department of Education (DepEd)-7 subling nipahimangno sa tanang magtutudlo sa elementarya nga dili mohatag og assignments sa ilang mga tinun-an matag Biyernes o weekend.
Kini human adunay mga ginikanan ang nireklamo tungod kay magbaguod ang ilang anak sa mga assignment matag weekend.
Si Amaryllis Villarmia, tigpamaba sa DepEd nagkanayon nga adunay memorandum ang DepEd nga giluwatan diin gipirmahan kini ni Secretary Armin Luistro nga nagmando sa tanang school teachers nga dili mohatag og assignments panahon sa weekend aron maghatag og kahigayon nga malingaw ang mga bata nga makig-uban sa ilang pamilya.
Giingong ang maong memorandum giluwatan human ang DepEd nakadawat og reklamo gikan sa mga ginikanan kalabutan sa daghang assignment nga wala na silay oras sa pakig-uban sa pamilya.
Matud ni Villarmia nga adunay mga magtutudlo nga mohatag gihapon og assignment panahon sa weekend but adunay considerable nga rason.
Giawhag usab sa DepEd ang mga ginikanan nga modangop sa ilang buhatan kong ugaling adunay reklamo aron matawag nila ang attention sa mga magtutudlo. (/BDB)(BANAT NEWS)
- Latest
