Moratorium batok estraktura sa kabaybayonan padayon

CEBU, Philippines — Ang Dakbayan sa Lapu-Lapu magdili na unya og bisan unsang estraktura sa mga patigayon diha sa baybayon sa kadagatan niini.

Giaprubahan sa konseho ang ordinansahon nga gipangamahanan ni Konsehal Ricardo Amores niadtong miaging adlaw bahin niini.

“The city would just want to be proactive; we do not want to wait that the DENR (Department of Environment and Natural Resources) will do (to Lapu-Lapu City) what they did in Boracay,” gipasabot ni Amores.

Si Amores maoy chairman sa committee on Environment and Natural Resources sa konseho miingon apektado usab niini ang mga hotels, dive shop ug uban pa diha sa daplin sa kadagatan ug sapa.

Ang maong ordinansahon papirmahan pa kang Mayor Paz Radaza. (/IBM)(BANATNEWS)