Underpass 70 porsiyento na nahuman
CEBU, Philippines — Human sa siyam ka buwan nga gisugdan ang underpass project sa may Natalio Bacalso Avenue ug F. Llamas Street, Siyudad sa Sugbo, ang proyekto 70 porsyento na karon nga kompleto.
Matud ni Department of Public Works and Highways-7 Project Engineer Roy Dela Cruz nga on time sila sa trabaho sa dul-an P700 million nga kantidad sa proyekto.
Tuyo nila nga mapadali ang paghuman sa proyekto aron moluag ang dagan sa trapiko sa maong lugar.
Ang WT Construction Inc. ang nahuman na sab sa pagkawot sa tunga-tunga nga bahin.
Si Dela Cruz niingon nga tulo ka buwan gikan karon, ang kontraktor gilauman nga mahuman sa phase III sa may F. Llamas ug isunod ang phase IV atubangang bahin sa usa ka mall sa northbound lane.
Gipaabot nga ang Cebu City Transportation Office mosira sa northbound lane ug ablihan ang southbound lane aron ang mga light vehicles makaagi.
Si Dela Cruz nipasalig nga ilang pahibaw-on ang publiko alang sa posibleng traffic scheme nunot sa napanglantawan nga kahuot sa dagan sa trapiko sa northbound lane. GMR (BANAT NEWS)
- Latest
