Wa pa kakuha sa honorarium

CEBU, Philippines – Hangtud karon aduna pay mga magtutudlo nga wala kakuha sa ilang cash cards diin sulod niini ang ilang honorarium sa pagserbisyo sa Barangay ug Sangguniang Kabataan Elections.

Sumala pa ni Atty. Lionel Marco Castillano, ang provincial election supervisor sa Sugbo, nga sa pagkagahapon 24,824 pa lang ang nakakuha sa ilang cash cards gikan sa 24,949 ka sakop sa electoral boards sa tibuok lalawigan apil na ang Dakbayan sa Sugbo.

Kini nagpasabot nga anaa pay 125 nga wala kakuha sa cash cards kinsa ang uban nagbakasyon pa samtang ang uban niabag sa Philippine National Games ug dunay seminar.

Adunay uban nga wala dayon kakuha sa ilang cash cards tungod kay wala dayon nahuman sa mga election officers ang payroll.

Ang mga election officers gihatagan lang og usa ka semana sa pag-release sa cash cards kung dili ibalik kini sa kaulohan ug hayan madugay na sab ang pagkuha og balik sa maong honorarium. (/GMR)(BANAT NEWS)