CEBU, Philippines – Dul-an 500 ka mga bag-ong napili nga barangay ug SK officials ang nanumpa atubangan ni Lapu-Lapu City Mayor Paz Radaza niadtong Biyernes diha sa Mactan Island Convention Center.
Gipahalipayan una ni Radaza ang tanang mga napili nga opisyales ilabi na kadtong unang higayon pa mohupot og posisyon sa barangay tungod pagdawat sa maong hagit.
Sumala pa ni Radaza, ang pagpanerbisyo dili kinahanglan og hataas nga nahimo og naabot basta aduna lay kasingkasing nga motabang pagpasaka sa kahimtang sa mga kabus ug sinsero nga moserbisyo.
“As you accept the challenge and the roles entrusted to you by our people, I hope you all embrace it with honesty, transparency, dedication and sincerity,” awhag pa sa mayor.
Samtang si Kongresista Aileen Radaza, niawhag sa mga bag-ong opisyal nga ipabilin ang legasiya ni Datu Lapulapu ug misaad kanila nga suportahan niya sila. (/IBM)(BANAT NEWS)