CEBU, Philippines – Subling nipahimangno si Mandaue City Mayor Gabriel Luis “Luigi” Quisumbing sa mga kandidato sa paglimpyo sa ilang mga campaign materials.
Nipasidaan si Quisumbing sa mga mananaug sa Barangay ug Sangguniang Kabataan Elections sa siyudad nga unahon ang pagpanglimpyo sa mga posters aron hamugaway ang siyudad.
Awhag usab ni Quisumbing ngadto sa mga nakadaug nga mga kandidato nga tutukan ang pakigbatok sa ginadiling drugas ug lakip nga seguruhon ang mga programa nga may kalabutan sa solid waste management ug uban pa.
Malaumon ang mayor nga magkahiusa ang tanang politiko, pildero man o nakadaug, alang sa kalambuan sa siyudad. (/GMR)(BANAT NEWS)