Campaign posters ipatangtang sa kandidato

CEBU, Philippines – Giawhag ni Mayor Paz Radaza ang tanang kandidato sa pagpanglimpyo pinaagi sa pagtangtang sa ilang mga campaign posters nga gipamutang sa daplin sa kadalanan ug mga common poster areas.

Ang iyang awhag dili lang ngadto sa mga nidaug nga kandidato sa Barangay ug Sangguniang Kabataan (SK) Elections kun dili lakip na ngadto sa mga napilde nga kandidato.

Gitataw ni Radaza nga mahinungdanon kaayo ang pagpatunhay sa kalimpyo sa palibot nga napuno karon sa mga propaganda materials sa mga kandidato sa nilabay nga piniliay.

Dugang ni Radaza nga magpadayon hinoon ang mga tinugyanan sa Clean and Green sa kagamhanan sa dakbayan sa ilang pagpanglimpyo apan labing maayo sab nga motabang ang tanan kandidato sa paghimo niini. Matud ni Radaza nga kung masigpatan nga adunay mahabilin pa nga mga posters nga dili matangtang sa mga kandidato nga hingtungdan, adunay dakong posibilidad nga maisyuhan sila og citation ticket nga basehan sa ilang pagbayad og multa. (/GMR)(BANAT NEWS)