CEBU, Philippines – Nikabat sa P30 mil ang danyos sa sunog nga niulbo kagahapon sa udto sa may North Reclamation Area, Barangay Carreta, Dakbayan sa Sugbo.
Nadawat sa kabomberohan ang alarma alas 12:13 sa udto ug giisa ngadto sa second alarm alas 12:18 ug nakontrolar alas 12:21 ug hingpit nga na fire out alas 12:41 na sa udto.
Matud ni Cebu City Fire Marshall, Chief Inspector Noel Nelson Ababon, nga lima ka balay nga ginama sa light materials ang hingpit nga naugdaw.
Gipaubos pa sa imbestigasyon ang tinubdan sa maong sunog nga gituohang nagsugod sa duha ka andana nga panimalay ni Richie Salinas. (/GMR)(BANAT NEWS)