Brgy, SK elections gilauman nga hapsay

CEBU, Philippines – Gilauman ni Cebu Provincial Election Supervisor, Atty. Lionel Marco Castillano, ang hapsay nga piniliay sa Barangay ug Sangguniang Kabataan karong Mayo 14.

Adunay gidestino nga mga polis alang sa hugot nga seguridad sa matag voting center sa usa ka lungsod.

Gitinguha usab nga adunay peace covenant signing alang sa mga kandidato sa Barangay ug SK alang sa malinawon ug kredible nga piniliay.

Patutukan ug ipamonitor ni Commission on Elections-7 Director Veronico Petalcorin ang mga polis nga madestino sa matag barangay sa adlaw sa eleksyon.

“We don’t want to have a failure. We don’t want that our voters will be intimidated that they could freely vote without fear of violence and intimidation,” sigun ni Castillano.

Matud ni Castillano nga kinahanglan usab nga adunay communication line.

Base sa nasabotan nga kung adunay brownout nga mahitabo sa usa ka voting center, kinahanglan nga i-report ngadto sa polis ug ipadala ngadto sa hepe sa kapolisan sa lungsod o siyudad aron masayud ang power distributor.

Gihimo kini nga kasabutan aron makalikay sa mga misinformation nga pwedeng mahitabo.

Ang Department of Energy nipasalig nga wala’y power shortage atol sa piniliay apan si Castillano adunay kabalaka nga magkaproblema sa mga transformer ug linya sa kuryente.

Sa gipahigayon nga briefing ngadto sa mga election officers kagahapon, nitambag si Castillano nga pasultihan ang mga kandidato nga magdala og rechargeable flashlights ug petromax isip pagpangandam kung adunay aberya sa kuryente. (Caren Abing, CNU Interns/GMR)(BANAT NEWS)