Honorarium sa tanod gihatag na

CEBU, Philippines — Gihatag na sa kagamhanan sa Siyudad sa Sugbo ang honorarium sa mga barangay tanod sa buwan sa Enero ug Pebrero sa tag P4,000 matag buwan.

Base sa listahan sa Cebu City Office for Substance Abuse Prevention (COSAP) sa buwan sa Enero, ang mga tanod sa 40 ka barangay ang nahatagan sa ilang allowance ingon man sa buwan sa Pebrero ang mga tanod sab sa 40 gihapon ka barangay ang nakadawat sa honorarium.

Sa Buwan sa Enero ang mga tanod nga nahatagan sa ilang allowance gikan sa Guba, Bacayan, Adlaon, Cogon Ramos, Sinsin, Kalubihan, Sudlon I, Lusaran, T. Padilla, Pulangbato, San Roque, Taptap, Kalunasan, Pasil, Kinasang-an, Cogon Pardo, Cambinocot, Kasambagan, Hipodromo, Day-as, Apas, Pit-os, Parian, Babag, Mabini, Sirao, Agsungot, Sta. Cruz, Guadalupe, Busay, Bulacao, Tejero, Buhisan, Labangon, Mambaling, Sambag 2, Mabolo, Kamputhaw, Bulacao ug Pung-ol Sibugay.

Samtang sa buwan sa Pebrero mao ang Guba, Bacayan, Adlaon, Sambag 1, Paril, Cogon Ramos, Duljo Fatima, Buhisan, Sinsin, Sta. Cruz, Basak San Nicolas, Kalubihan, Sudlon I, Lusaran, T. Padilla, Lorega San Miguel, Pulangbato, San Roque, Taptap, Kalunasan, Pasil, Kinasang-an, Carreta, Sto. Niño, Bulacao, Talamban, Pung-ol Sibugay, Cogon Pardo, Pit-os, Parian, Guadalupe, Sambag 2, Mabolo, Bonbon, Mambaling, Tejero, San Jose, Kamagayan, Hipodromo ug Pahina Central.

Gipasabot ni Garry Lao, hepe sa COSAP, nga maong dunay mga barangay nga nakadawat sa buwan sa Enero apan wala sa Pebrero ug dunay nakadawat sa Pebrero ug wala sa Enero tungod kay dunay ubang mga barangay nga ang gisumetir nga mga dokumento alang sa maong mga buwan dili kompleto.

Kahinumduman nga sukad Enero 2018 ang COSAP maoy gitahasan sa pagproseso sa payroll sa mga barangay tanod aron malikayan ang kalangay sa pag-release niini.

Ang mga barangay tanod kinahanglang mosumetir sa ilang daily time record (DTR), individual accomplishment report, authority to serve ug consolidated report nga buhaton sa ilang mga hepe.

Hinoon ang 40 ka barangay nga wala pa ma-release ang allowance giproseso na sa COSAP.

Alang sa buwan sa Marso, 47 lang ka barangay ang ni-submit sa ilang buhatan ug sa 47 ka barangay 25 niini ang nakatuman sa mga rekisitos base na sa ilang gihimong pakisusi.

Nasayran nga gipaspasan sa COSAP ang paglihok sa allowance sa mga tanod aron malikayan nga kini malangay sa paghatag. (BANAT NEWS)