Internal cleansing sa PNP mas pahugtan
CEBU, Philippines – Mas pahugtan pa ang internal cleansing nga gustong ipatuman sa bag-ong milingkod nga si PNP Director General Oscar Albayalde.
Ang tigpamaba sa Police Regional Office-7 nga si Supt. Reyman Tolentin miingon nga andam sila nga motuman sa mando sa ilang labaw. “We are really bound to comply. If he will require us not to sleep, we will not sleep,” sigon pa sa maong tigpamaba.
Gidugang ni Tolentin nga karon sa paglingkod ni Albayalde, gikinahanglang balikan nila og tan-aw ang ilang kaugalingon ug disiplina kon gusto pa nilang magpadayon sa serbisyo.“Ang iyang giingon is internal cleansing. ‘Pag sinabing internal cleansing, it is against the scalawags so, all kinds of the PNP including not wearing uniforms, improper carrying of yourself, giving courtesy, talking to the public, it really boils down on discipline,” si Tolentin miingon.
Nailhan si Albayalde, kanhi direktor sa National Capital Region Police Office (NCRPO) nga estrikto sa pagpahigayon og surprise inspections ngadto sa mga estasyonan sa polis didto sa Metro Manila diin pipila na pud ang iyang gipangsuspenso human masakping mangatulog atol sa duty hours.
Si Albayalde ang gitudlo ni Presidente Rodrigo Duterte nga maoy mopuli sa miretiro nga si kanhi PNP Director General Ronald ‘Bato’ Dela Rosa. (/IBM)(BANAT NEWS)
- Latest
