Marijuana gihimong alternatibo sa shabu
CEBU, Philippines – Di momenus P30 milyones balor sa marijuana na ang nalarot gikan sa Dakbayan ug Probinsya sa Sugbo sugod lang sa unang upat ka buwan niining tuiga tungod sa pagnihit sa shabu sigun pa sa direktor sa Philippine Drug Enforcement Agency-7 nga si Emerson Margate.
“Analysis natin, nabawasan na ang supply ng shabu, so nagresort back sila sa marijuana since conducive yung weather topography sa Cebu, makikita natin ang correlation. Nababawasan ang supply ng shabu,” si Margate miingon.
Matud pa ni Margate nakurat sila sa grabe kadaghan sa nasakmit nga mga marijuana.
“Kahit ako nagulat din ako. Kasi previous years di naman ganon ka rami,” sigon pa ni Margate.
Ang pinakauwahing nasakmit nga mga marijuana didto nakuha sa barangay Tagbao, Dakbayan sa Sugbo diin P2 Milyones nga kantidad sa marijuana ang nasakmit niadtong Martes sa kaadlawon.
Samtang ang pinakadako karong buwana mao ang siyam ka milyon nga balor sa 22,536 ka marijuana nga nalarot pud didto sa unom ka mga plantasyon sa mao gihapong barangay niadtong Abril 10.
Sumala pa niya, ang shabu karon sinagolan na mao nga daghan ang nibalhin sa marijuana. (/IBM)(BANAT NEWS)
- Latest
