Mga libud-suroy gipanghipos, gipakaon
CEBU, Philippines — Gihatagan og dakung pagtagad sa kagamhanan sa Dakbayan sa Mandaue ug Lungsod sa Consolacion ang paghipos sa mga libud-suroy nga kabataan. Sa Dakbayan sa Mandaue pinaagi sa buhatan sa City Social Welfare and Services maoy gihimo ang pagluwas sa mga menor de edad nga libud-suroy sa kadalanan bisan sa lawom na nga kagabhion.
Matud ni Jessie Perez, officer-in-charge sa CSWS, nga 15 ngadto sa 20 ka menor de edad ang ilang mahipos sa matag semana.
Samtang ang kapolisan sa Lungsod sa Consolacion maoy ilang gihimo ang paglibot sa pagpanghatag og pagkaon sa mokabat 90 ka street children sa Barangay Poblacion Oriental nga gipangulohan sa hepe nga si Senior Inspector Gerard Ace Perale.
Gawas sa pagkaon nga ilang gihatag, ang maong mga bata nakadawat sab og mga tsinelas, mga duwaan, mga sapot ug uban pa. (GMR) (BANAT NEWS)
- Latest
