CEBU, Philippines — Pasidunggan sa kagamhanan sa Siyudad sa Sugbo pinaagi sa Cultural and Historical Affairs Commission ang 10 ka buhi nga beterano sa World War II atol sa pagsaulog sa Araw ng Kagitingan karong adlawa.
Kini ang gibutyag ni Bryner Diaz, ang officer-in-charge sa CHAC.
Ang programa magsugod sa alas 8 sa buntag sa Veterans Memorial Shrine sa Plaza Independencia.
Matud ni Diaz nga ang kalihukan tambungan sa mga opisyal sa siyudad nga pangulohan ni Mayor Tomas Osmeña, mga department heads sa mga line agencies, civic organization ug mga beterano sa gubat nga nagpangedaron na og kapin sa 90-anyos.
“Mayor Tom is going to give a message tomorrow. He will attend,” matud ni Diaz.
Sa ikaduhang higayon ang Central Command sa Armed Forces of the Philippines ang magbutang og Camp Kagitingan sa Plaza Independencia.
Karong adlawa gideklarar sab nga non-working holiday sa tibuok nasud isip pagselebrar sa Araw ng Kagitingan. (BANAT NEWS)