Saksi sa pagpatay sa Ong brothers may affidavit na

CEBU, Philippines — Human sa dul-an duha ka buwan  sukad gipamusil patay ang managsuong Nick ug Neil Ong sa Punta Princesa, Dakbayan sa Sugbo, nakombinsir na nga moluwat og affidavit ang usa sa duha ka saksi sa krimen.

Kini ang gibutyag sa hepe sa Investigation, Detection and Management Branch nga si Police Supt. Ryan Devaras.

“Identified na man gyud ang suspect. Ang pag-file lang gyud og kaso. Di man ta maka-file kung wala tay affidavit from the witnesses,” matud ni Devaras.

Tug-an pa ni Devaras nga mga binayrang hitman gyud ang nipatay sa duha.

Unang gipusil patay si Nick sulod sa usa ka imnanan niadtong Enero 27 sa kadlawon.

Gigukod ni Neil ang mamumuno sa gawas apan gipusil sab hinoon siya. (BANAT NEWS)