P20M City Health Office tukoron
CEBU, Philippines — Sa dili pa matapos ning tuiga aduna na unya’y bag-ong edipisyo ang Cebu City Health Department human kagahapon gisugdan ang groundbreaking sa bag-ong building nga nagkantidad og dul-an P20 milyones gikan sa Department of Health(DOH)-7.
Ang maong tulo ka andana nga building sa City Health nahimutang ra sab likod sa ilang karaan nga building diha sa General Maxilom Avenue, Barangay Carreta ning siyudad.
Si Konsehal Mary Ann Delos Santos, Deputy Mayor for Health miingon natigayon ang maong bag-ong edipisyo sa City Health Department kini pinaagi sab sa pakig-alayon sa siyudad sa DOH-7.
Kini midugang ang maong kalamboan subay na sa gisulti ni Cebu City Mayor Tomas Osmeña nga ‘Tomorrow will be better than today’ ug mas makahatag kini og dugang serbiyo sa katawhan.
Si Dr. Sophia Mancao, Assistant Regional Director sa DOH-7 miasoy dugay na nga damgo sa DOH nga makabaton og bag-ong building ang City Health Department tungod kay dugay na sab kini nga plano tulo ka tuig na ang nakalabay.
Gihulagway ni Mancao makatabang kini sa pagpalambo sa kinabuhi sa mga tawo ug maghatag sab kini og dugang serbisyo.
“In the Department of Health we have the so called health facility enhancement program so kani mao ni siya ang gitagaan og funding for all the construction, renovation of all our health facility and that include of course our Cebu City Health Office being a part of our of course health facility in our Region,” asoy ni Mancao.
Samtang si Dr. Alma Corpin, Cebu City Health Officer miasoy tulo ka andana ang maong edipisyo diin ang ground floor anha ibutang ang supply office ug pharmacy, sa second floor mao ang laboratory ug ang third floor ang opisina sa City Health Officer ug Assistant City Health Officer.
“Yes of course because the front is we are now having a renovation for our outpatient Department so we have there our TBDots, our animal bite because everyday we are serving more than a thousand clients so we want our client to be comfortable and the service must be good,” matud ni Corpin. (BANAT NEWS)
- Latest
