CEBU, Philippines — Gipahigayon kagahapon sa buntag ang 10th Farmer’s Scientist Congress diha sulod sa International Convention Center sa Pope John Paul Avenue, dakbayan sa Sugbo.
Si Dr. Romulo Davide, Farmers Scientist Training Program (FSTP) National Program Leader ug kasamtangan nga Cebu Agriculture Consultant ug uban pa nga pinasidungan nga dinapit ang mitambong sa maong kalihukan.
Ang mga graduate sa FSTP gikan sa kalungsuran nagdala sa ilang mga abot ang lakip nga nitambong sa maong kalihukan diin gisugdan kini sa usa ka Santos nga Misa nga gidumala ni Padre Felmar Fiel, SVD, FSTP Chaplain ug kasamtangan nga Assistant General Manager sa DyRF1215.
Atol usab sa maong kalihukan gipasidunggan usab ang mga mayor sa mga lungsod sa Alcantara, Dalaguete, Oslob, Poro, San Remigio ug Santander sa ilang hugot nga pagsuporta sa FSTP.
Gawas sa mga mayor gipasidunggan usab ang mga Municipal Agriculture Officer, Barangay Coordinators, Outstanding Farmer-Scientist Engage in Agribusiness, Association ug FSTP Partner Agency.
Adunay mga lungsod ang nakadawat og kagamitan alang sa pagpanguma.
Ang Provincial Agriculturist Dr. Roldan Saragena nibutyag nga adunay mga hagit nga giatubang ang mga mag-uuma usa niini nga dili masiguro ang ilang abot tungod kay dunay panahon nga mokunhod ug adunay panahon nga mosaka apan kuwang ang demand. (BANAT NEWS)