Tag-iya sa balay sugot nga demolison

CEBU, Philippines — Misanong sa panawagan sa kagamhanan sa siyudad sa Sugbo si Michael Aleman, ang nagpadagan sa

Mountain View Nature Park sa Sitio Garaje, Barangay Busay ning siyudad aron demolison ang balay sa

dapit kay risgo kini sa publiko human ang yuta nga gitukuran niini midahili.

Sigon sa pangulo sa Cebu City Disaster Risk Reduction Management Office (CCDRRMO) Nagiel

Bañacia nahinabi niya sa miaging adlaw si Aleman ug kini mipadayag nga andam ra siya moguba sa iyang

panimalay.

Niadtong adlaw’ng Martes gipanghakot daan ni Aleman ang mga gamit sa balay ug pagkahapon niana

gisugdan dayon ang demolisyon.

Gipasabot ni Bañacia, tungod kay private property man kini ang siyudad dili makapanginlabot apan

ilaha kining gihangyo aron walay madisgrasya.

Ang dalan usab nga paingon sa mga iladong suruyanan sa dapit dili pa usab maagian ug didto sila

gipaagi sa diversion road sa Barangay Babag.

Samtang matod ni Francisco “Bimbo” Fernandez, Executive Assistant ni Cebu City Mayor Tomas

Osmeña nga wala hinoon mangayo og assistance ang tag-iya sa balay nga boluntaryong gi-demolish.

Apan iyang giklaro nga kun pananglitan mangayo og hinabang balibaran kini sa siyudad kay matud pa

wala nila kini kinahanglana sa tag-iya. (Decemay P. Padilla/IBM)

Gikan sa gipahimutangan nga lungon, sulod na niining urna ang abo sa patay’ng lawas ni DJ Maxi human

sa cremation nga gihimo sa St. Peter Chapel kagahapon sa hapon. (FREEMAN)