Allowance sa tanod sa siyudad tangtangon
Kagahapon atol sa press conference ni Osmeña, kini miingon nga nagplano siya nga putlon ang paghatag og allowance sa mga tanod kay matud pa ang mga nahisgutan walay nahimong trabaho. Philstar.com/File
CEBU, Philippines - Nibahad si Cebu City Mayor Tomas Osmeña nga iyang putlon ang paghatag og allowance sa mga tanod sa 80 ka barangay sa dakbayan.
Kahinumduman nga gisuspenso na kaniadto ang paghatag og allowance sa mga tanod ug gibalik kini human sila gipaubos sa surprise drug test nga usa sa gibasehan aron hatagan og balik sa ilang allowance.
Kagahapon atol sa press conference ni Osmeña, kini miingon nga nagplano siya nga putlon ang paghatag og allowance sa mga tanod kay matud pa ang mga nahisgutan walay nahimong trabaho.
Gusto sa mayor nga mohimo og weekly report ang mga tanod labot sa mga nabuhat niini.
Gipasabot niini nga walay problema niya nga mohatag ang siyudad og allowance apan kinahanglan nga trabahoan kini sa mga tanod.
Walay gisulti ang mayor kung kanus-a epektibo nga dili na mohatag og allowance sa mga tanod ug kini niingon nga warning kini sa mga tanod dungan sa pag-ingon nga nag-monitor siya.
Ang matag barangay adunay dili mominus 20 ka tanod nga nagdawatan og P4,000 nga allowance gikan sa siyudad.
“There are 80 barangays, there are 20 tanod per barangay, so 1,600 tanods and we’re spending P4,000 a month on each tanod seguro naman we should expect something, I could use that money in hiring many traffic enforcers, I can double, triple our traffic enforcers, with that kind of money maybe we are better off,” sigun ni Osmeña.
Subay niini, si Association of Barangay Councils (ABC) president ug Tisa Barangay Kapitan Philip Zafra niingon nga dunay mga accomplishment reports ang mga tanod ug matud pa daghan og nabuhat ug natabang ang mga tanod sa siyudad.
Gidugang ni Zafra nga kung mahitabo kini dako gyud kini og epekto sanglit ang mga tanod nitabang man ilabi na sa peace and order.
“That’s unfair, whether we like it or not the tanod, the loaders in fact play a vital role in delivery of basic services in addressing basic concerns of the City. Well let’s see I’ll still have to see and read the written order of the Mayor, it should be written,” matud ni Zafra. (BANAT NEWS)
- Latest
