CEBU, Philippines – Ang Tropical Depression “Emong” nga adunay international name nga “Nanmadol”, gilauman nga mokusog ug mahimong tropical storm matud pa sa PAGASA.
Sa report sa philstar.com, ang labing uwahing severe weather bulletin sa PAGASA giingong si Emong nga kasamtangang anaa sa Philippine Sea ug nagsubay sa amihanang kasadpan, mahimong tropical storm.
Dugang sa PAGASA nga magdala og hinay ngadto sa kasarangan nga mga pag-uwan.
Bisan og nahimo kining tropical storm, matud sa PAGASA nga wala pa sila’y gideklara nga tropical cyclone warning signal.
Ang bagyong Emong gilauman nga molihok paingon sa amihanang kasadpan sa gikusgon nga 30 kph. Gilauman usab nga kini mogawas sa Philippine Area of Responsibility karong adlawa o ugma.
Panawagan sa PAGASA ngadto sa publiko nga obserbaran ang dagan sa panahon ug mag-atang sa mga labing uwahing kalambuan niini. (BANAT NEWS)