Mental hospital buot ipatukod ni Pesquera

CEBU, Philippines - Andam motabang si Mayor Tomas Osmeña sa planong pagpatukod og mental hospital ni Konsehal Jocelyn Pesquera, apan matud sa mayor kinahanglan usa kining huna-hunaon og maayo kay ang konsehal walay ideya kun unsaon kini pagpadagan.

Si Konsehal Pesquera mipalabang og resulosyon sa pagpatukod og pasilidad alang sa mga adunay problema sa pangisip.Nunot niini, mihangyo ang konseho ngadto sa mayor sa paghatag og luna sa Barangay Guba aron katukuran sa maong pasilidad. Gitataw ni Osmeña nga mahisama lang unya kini sa Operation Second Chance diin dili mga taga siyudad sa Sugbo ang nakapahimos niini apan ang city government maoy nagpakaon sa mga batan-on nga anaa sulod sa maong pasilidad.

Bisan pa man sa maong pamahayag sa mayor, pabiling positibo si Pesquera nga ipadayon ang mao niya nga laraw diin moduol siya sa national government o NGO's. (BANAT NEWS)