CEBU, Philippines - Patay ang 56-anyos nga lalaki human nabanggaan ang iyang gimanehong traysikol sa national highway, Boljoon, niadtong Domingo sa hapon.
Ang biktima giila nga si Amado Alvarado Bendulo, 56, taga Daan-lungsod, Alcoy, kinsa nabanggaan sa Sunrays Bus nga gimaneho ni Allan Abingosa Ondangan, 42-anyos.
Base sa imbesti-gasyon, nga ang traysikol ni Bendulo padulong gawas sa dulhugon nga eskina ug paggawas niini sa national highway nabanggaan sa bus.
Daling gidala sa tambalanan ang biktima apan gideklarar kini nga patay na.
Matud ni PO2 Dwight Medrano nga nahusay ra ang kaso ug dili na mopasaka og kaso ang pamilya sa biktima batok sa drayber sa bus. Rhena E. Pizarra (BANAT NEWS)