CEBU, Philippines - Gisuportahan sa Provincial Board sa Sugbo ang baladunon sa Kongreso sa pagtukod og mga rehabilitation center sa matag probinsiya ug rehiyon.
Matud ni Bokal Thadeo Jovito Ouano nga kung ang balaudnon mapasar, dako kaayo kini og tabang sa Probinsiya sa Sugbo.
Ang pagpatukod og drug rehabilitation center sa matag rehiyon gituohang makapausab kini sa kinabuhi sa mga drug dependents.
Matud ni Ouano nga aron magmalampuson kinahanglan nga ang drug addiction treatment program ipaagi og holistic approach ug ang mga drug dependents mahatagan og dakong oportunidad nga mabalik sa ilang pakighalubilo sa katilingban. (BANAT NEWS)