Nangayo og ilimnon gidunggab
CEBU, Philippines - Patay ang 35-anyos nga lalaki nga nangayo og ilimnon nga makahubog sa ilang silingan sa Dakit, Clavera, Lungsod sa Borbon human kini gidunggab niadtong Sabado sa gabii.
Ang nakalas mao si Arjay Masendo, residente sa maong lugar samtang ang suspek mao si Jonel Monisit, 32, silingan sa biktima.
Matud ni Police Officer 2 Rogelio Sinajan, desk officer sa Borbon Police Station, nga nagkalalis sila si Masendo ug Monisit sa wala pa mahitabo ang pagpanunggab.
Sumala pa ni Sinajan nga niuli ang biktima sa iyang panimaye duol sa iyang ugangan.
Giingong nagpakaaron-ingnon ang suspek nga mopalit og ilimnong makahubog sa tindahan sa ugangan sa biktima apan sa pagkakita niya kang Masendo iya kining gidunggab.
Matud ni PO2 Raffe Tejares nga silang duha apil sa mga nisurender sa una ug posibleng may kalambigitan sa drugas ang hinungdan sa panaglalis.
Pipila ka gutlo nasikop ra sab ang suspek sa follow-up operation sa kapolisan. Rowena D. Capistrano ug Raziel Sumayang
- Latest
