Sec. Sitoy mutambong sa PB session

CEBU, Philippines - Mutambong si kanhi Cordova mayor, karon Presidential Adviser on Legislative Affairs, Secretary Adelino Sitoy, sa sesyon sa Provincial Board karong hapon.

Kini nunot sa iyang hangyo sa PB nga matabangan ang Lungsod sa Cordova nga masulbad ang panagsungi sa utlanan sa Dakbayan sa Lapu-Lapu. Si Sitoy nihangyo sa PB nga paatubangon sa sesyon ang mga opisyal sa Department of the Interior and Local Government (DILG), Department of Environment and Natural Resources (DENR), Lungsod sa Cordova, Dakbayan sa Lapu-Lapu ug Provincial Legal Office.

Matud ni Sitoy nga ang kagamhanan sa Lungsod sa Cordova ubos sa iyang anak nga si Mayor Mary Therese Sitoy-Cho buot nga ilang limpyohan ang sapa nga giangkon sa Dakbayan sa Lapu-Lapu.

Lakip sa mutambong sa sesyon sa PB sila si DILG Executive Assistant IV Bienvenido F. Barroso, DILG-7 Director Rene K. Burdeos, DILG Provincial Director Jerome G. Gonzales, DENR-7 Regional Technical Director Eduardo M. Inting, Provincial Legal Officer Orvi G. Ortega.

Mayor Sitoy-Cho, Bise Mayor Victor S. Tago III, Konsehal Jose A. Wahing, chairman sa committee on land use; Municipal Engineer Soripo B. Singculan, Municipal Planning and Development Coordinator Leonides A. Ator, Municipal Assessor Nazario P. Sumalinog, Jr.

Acting Lapu-Lapu City Mayor Marcial A. Ycong, Konsehal Roque P. Wagwag, chairman sa committee on land use; City Administrator Florito P. Pozon, ug City Attorney Yuri M. Beluan. Niadtong 2011, ang konseho sa lungsod nihangyo na kang kanhi gobernador, karon House Deputy Speaker Gwendolyn Garcia sa pagpanginlabot sa pangangkon sa Dakbayan sa Lapu-Lapu sa sapa sa Pilipog ug Gabi. (BANAT NEWS)