CEBU, Philippines - Nagplano si Vice Mayor Edgardo Labella nga moduso og Motion for Reconsideration aron mapasabot ang ilang habig sa Commission on Audit (COA) may labot sa isyu sa paggamit sa Philippine Amusement and Gaming Corporation (PAGCOR) funds.
Si Labella ug si Cebu City Mayor Tomas Osmeña gipangayuan og katin-awan sa COA.
“Maybe for my part I could say, it’s still in connection with peace and order because it involved settling disputes in the barangay.
Depende on the eyes of COA, it does or fall in the category make some explanation lang,” sigon ni Labella.
Kahinumduman nga nagpadala og notice of suspension ang COA ug nangayo og katin-awan sa P2.5 million nga pundo nga gigasto sa siyudad niadtong tuig 2016 nga giingong wala malakip sa mga proyekto nga angay gastuan sa PAGCOR funds.
Gikwestiyon sa COA ang paggamit sa maong pundo nga gibayad sa electrical supplies sa Mabolo Elementary School nga P161, 441, bayad sa 1,246 ka Monobloc nga lingkuran nga P472, 857, pagpalit og usa ka brand new Toyota Innova nga P1 million, bayad sa upat ka set sa collapsible tents nga P96,000 ug bayad sa supply ug delivery sa 63 ka Monobloc chairs ug uban pa nga moabot sa P848, 865.
Sumala pa sa COA ang mga gigastohan sa maong pundo wala malakip sa lagda paggamit sa pundo sa Pagcor. (BANAT NEWS)