Mas maayong kanunay ilisan ang PIN
CEBU, Philippines - Gitambagan sa Cebu Bankers Club ang mga depositors nga ilisan ang ilang ATM pins kada bulan alang sa seguridad sa ilang ATM deposits aron di mabiktima sa ATM skimming.
Mao kini ang pamahayag ni Eugene Rigodon, ang presidente sa CBC nga matud pa niya nga ang mga depositors tan-awon o i- check g’yud nila ang ilang balanse.
"For all depositors, we advised them to be conscious on their balances and if something is suspicious, they should immediately report it to their bank and also they should change their pins every month to avoid unauthorized withdrawals," matud pa ni Rigodon kinsa miingon nga kining skimming dili lang sa Pilipinas nahitabo.
Kagahapong adlawa, adunay tulo ka empleyado sa Metropolitan Cebu Water District ang nabiktima sa ATM skimming.Si Eugene Reyes, empleyado sa Audit Department sa MCWD nagkanayon nga P46 mil ang nawagtang kaniya niadtong Pebrero 25 sa Land Bank-Banilad Branch, uwahi siyang naka-withdraw niadtong Marso 9 sa MCWD ATM kiosk.
Matud ni Florante Gaoiran sa NBI ang First Vice President sa East Visayas Branches Group sa LBP Manuel Jose Mari Infante midangop sa ilang buhatan niadtong Miyerkules aron magpatabang sa ATM skimming ug gipangayoan na nila sila og mga bank records ug CCTV footages nga kuha sa ATM booths diin nakit-an ang mga skimming devices.
Si Enfante nagkanayon nga walay nahitabong panic withdrawal sa ilang bangko kung dili igo ra nagpakisayod human gipang-block ang di momenus 2 mil ka mga ATM cards nga kinahanglang ilisan og pins.
Samtang mopatawag og meeting si Mayor Tomas Osmeña aron susihon ang mga ATM Cards sa mga empleyado ug gusto usab niya masayran unsay dagway sa skimming machines aron mahibaw-an sa publiko. Mitchelle Palaubsanon, Le Phyllis Antojado, Rowena Capistano ug Decemay Padilla (BANAT NEWS)
- Latest
