CEBU, Philippines - Nagtingkagol sa karsel sa Talisay City Police Station ang mang-isyuhay og ilegal nga swertres sa Barangay Lawaan II sa Dakbayan sa Talisay human siya naaktuhan sa kapolisan niadtong Lunes sa buntag.
Ang dinakpan mao si Jay Delos Reyes, 20-anyos, ulitawo, lumad nga taga Purok 4, Barangay Nangka sa Lungsod sa Consolacion.
Nasayran nga nagpatrolya ang kapolisan dihang ilang nakita ang outlet sa Green Star. Dihang ila kining gihunungan, naatlan sa mga operatiba si Delos Reyes nga nang-isyu og kombinasyon sa numero. Nakuhang ebidensiya ang mga stub, carbon paper, ballpen ug kwarta nga P126 nga gituohang kita sa maong ilegal nga sugal. (BANAT NEWS)