CEBU, Philippines - Nadakpan sa kapolisan pinaagi sa warrant of arrest nga giluwatan sa korte ang usa ka lalaki nga nag-atubang og kasong robbery sa iyang panimalay sa Sitio Mahayahay, Barangay Bankal sa Dakbayan sa Lapu-Lapu pasado ala 1 sa hapon niadtong miaging adlaw.
Giila ni PCIns. Jaime Tolentino, hepe sa Presinto 5 sa Lapu-Lapu City Police Office ang ilang dinakpan nga si Archie Calape, 36-anyos, ulitawo ug walay trabaho.
Matud ni PCIns. Tolentino nga si acting presiding Judge Soliver Peras sa Branch 21 sa Dakbayan sa Sugbo ug Branch 53 sa Dakbayan sa Lapu-Lapu maoy nagluwat sa warrant of arrest batok kang Calape.
Unang gidala sa Lapu-Lapu City Hospital ang dinakpan aron masusi ang kahimtang sa iyang panglawas ug kasamtangan kining gibalhog sa detention cell.
Gihatagan kini og kahigayonan nga makapiyansa alang sa temporaryo niining kagawasan. (BANAT NEWS)