CEBU, Philippines - Nasikop ang notadong kawatan human iyang giunay sa pagkawat ang halin sa karenderya sa iyang silingan sa Mananga 2, Tabunok, Dakbayan sa Talisay sa niaging adlaw.
Si Mary Jane Taripe, hingkod, nidangop sa kapolisan human ang iyang pouch nga adunay sulod nga P3,000 ug importanteng butang ang gikawat sa iyang silingan nga nailhan nga si King John Bernabat alyas King, 21-anyos, ulitawo.
Sigun pa niya nga samtang busy siya sa pag-atiman sa mga customer, nisulod ang suspek dayon kuha sa iyang pouch.
Iyang nabantayan ang suspek hinungdan nga iyang gisuwayan sa paggukod apan pakyas.
Sunod adlaw iyang nakita ang suspek sa ilang dapit hinungdan nga dali siya nga nitawag sa kapolisan ug nasikop si King.
Narekober ang P2,100 nga halin sa biktima ug sa dihang girekisa nakuhaan kini og duha ka gagmay nga pakete sa shabu.
Gawas sa pagpasaka og kasong pagpangawat, mag-atubang sab ang suspek og laing kaso sa paghupot og ginadiling drugas. Gabriel C. Bonjoc (BANAT NEWS)