Hesus angay dad-on sa komunidad
Matud sa arsobispo, importante kaayo ang paglantaw sa komunidad diin gugma ang ipatigbabaw kay ang simbahan iya man sa katawhan. Philstar.com/File
CEBU, Philippines - Pagpakigsan-durot ug pagdala ni Hesus sa komunidad maoy tipik sa ebanghelyo ni Cebu Archbishop Jose Palma atol sa iyang ika-unom nga adlaw sa Misa de Gallo sa Archdiocesan Shrine of San Roque sa Brgy. Mambaling kagahapon sa kadlawon.
Matud sa arsobispo, importante kaayo ang paglantaw sa komunidad diin gugma ang ipatigbabaw kay ang simbahan iya man sa katawhan.
Dugang ni Palma, bisan sa nagkadaiyang kabalaka sa parokya, angayan kining tan-awon nga usa ka komunidad nga adunay kalipay ug pakigsandurot sa katawhan pinaagi sa pagpatubo o pagpalambo sa komunidad.
Sumala pa sa arsobispo nga sa usa ka komunidad, kinahanglan ang paglantaw alang sa kaayohan sa tanan, diin kinahanglan bukas ilang kasing-kasing ngadto kang Kristo.
Giawhag ni Palma ang katawhan nga dad-on si Kristo sa komunidad ilabi na ngadto sa mga wala makadungog ug masayod nga si Hesus alang kanatong tanan diin matud pa niini “every gift is meant to be share” dili angay kalimtan sa tawo ang rason sa panahon nga mao ang pagkatawo ni Kristo busa kinahanglan ang pagpakigsandurot. (BANAT NEWS)
- Latest
